Մուսավի. Սիրիայում կնքված ԱՄՆ-ի նավթային պայմանագիրը չունի օրինական ուժ
Անդրադառնալով Սիրիայում քրդական խմբի հետ ԱՄՆ-ի նավթային պայմանագիր կնքելուն, Իրանի արտգործնախարարության խոսնակը հայտարարել է. «Միացյալ Նահանգների կողմից որպես սիրիական հողի վրա ապօրինի պայմանագրի ստորագրումը չունի որևէ իրավական ուժ»:
Երեքշաբթի օրը Իրանի Իսլամական Հանրապետության արտաքին գործերի նախարարության խոսնակ Սեյեդ Աբբաս Մուսավին դատապարտել է Սիրիայի քրդական խմբի հետ ԱՄՆ-ի նավթային պայմանագիրը, այն համարելով միջազգային իրավունքի և Սիրիայի ազգային ինքնիշխանության և տարածքային ամբողջականության սկզբունքի խախտում:
Մուսավին ասել է. «Այս գործողությունը Միացյալ Նահանգների կողմից ձեռնարկված ևս մեկ քայլ է Սիրիայի բնական պաշարները թալանելու համար»:
Ավելի վաղ Al-Hurra- ն հաղորդել էր, որ Սիրիայի ժողովրդավարական ուժերի կամ քրդական աշխարհազորի հրամանատար Մազլում Աբդին, պայմանագիր է կնքել ամերիկյան նավթային ընկերության հետ:
Անցյալ կիրակի Սիրիայի արտաքին գործերի նախարարությունը համաձայնագիրը անվանեց սիրիական նավթի գողություն և շեշտեց. «Այս պայմանագիրը անվավեր է և ապօրինի»:
