Տեղի է ունեցել Իրանի ռազմացամաքային ուժերի զորավարժությունը
Իրանի Իսլամական Հանրապետության բանակի ռազմացամաքային ուժերի «Վիլայաթ-99» զորավարժությունն անցկացվել է երկրի հյուսիս-արևմտյան սահմանային տարածքներում։Այս մասին հայտնել է Իրանի ռադիոհեռուստատեսության լրատվական ծառայությունը։
«Վիլայաթ-99» զորավարժությունն անց է կացվել ցամաքային զորքերի մարտական պատրաստվածության աստիճանը բարձրացնելու և հմտությունները բարելավելունպատակով:
Իրանի բանակի ռազմացամաքային ուժերի հրամանատար բրիգադային գեներալ Քիումարս Հեյդարին, կիրակի օրը ԻԻՀ բանակի «Վիլայաթ-99» զորավարժության շրջանակում հայտարարել է․ «Իրանի բանակի ռազմացամաքային ուժերը, ԶՈՒ գլխավոր հրամանատարի հրամանով, վերածվել են հարձակողկան և արագ արձագանքման ուժի»:
Իրանի բանակի ռազմացամաքային ուժերի հրամանատարը նշել է, որ այս ուժերը պատրաստ են հնարավորինս սեղմ ժամկետում համարժեք պատասխան տալ ցանկացած ագրեսիայի։
