Իրանի ԱԳՆ. Իրան-Ռուսաստան համագործակցությունը հատել են երկկողմ հարաբերությունների սահմանը
Իրանի ԱԳ նախարարությունը հայտարարել է. «Երկու երկրների պաշտոնյաների կամքի շնորհիվ, ընդհանուր շահերն ապահովելուն ուղղված համագործակցությունը հատել է երկկողմ հարաբերությունների սահմանները և օգնության ձեռք մեկնել տարածաշրջանային և միջազգային անվտանգության ապահովմանն ուղղված ջանքերին»:
Ուրբաթ օրը, ԻԻՀ ԱԳ նախարարությորնը տարածել է հաղորդագրություն՝ Իրանի և Ռուսաստանի միջև փոխադարձ հարաբերությունների հիմքերի և համագործակցության սկզբունքների մասին պայմանագրի քսանամյակի կապակցությամբ:
Հաղորդագրության մեջ ասված է. «Իրանը Ռուսաստանին համարումէ հզոր հարևան և բարեկամ, որի հետ հարաբերությունները հիմնված են համագործակցության և փոխադարձ հարգանքի վրա, և շահագրգռված է բոլոր ոլորտներում ընդլայնել իր հարաբերությունները Մոսկվայի հետ»:
Նախարարությունը նշել է. «Իրանն ու Ռուսաստանը դեմ են միակողմանի և անմարդկային պատժամիջոցներին, Արևմուտքի միջամտությանն այլ երկրների գործերին, ընդգծելով, որ երրորդ երկրները չպետք է որևէ դերակատարություն ունենան երկու երկրների հարաբերություններում, իսկ միջազգային իրավունքը պետք է հարգվի»:
