Արաղչի. Բանակցություններում գլխավոր առաջնահերթությունն Իրանի շահերի ապահովումն է
ԻԻՀ ԱԳՆ քաղաքական հարցերով տեղակալ և Վիեննայում ընթացող բանակցություններում Իրանի բանակցող խմբի ղեկավար Սեյեդ Աբբաս Արաղչին ասել է. «Բանակցություններում գլխավոր առաջնահերթությունն Իրանի շահերի ապահովումն է և հույս ունենք, որ կարճ ժամանակահատվածում խնդիրները կկարգավորվեն»:
Հինգշաբթի երեկոյան, ՄԱԳԱՏԷ-ի տնօրեն Ռաֆել Գրոսսիի հետ հանդիպումից հետո, Արաղչին ասել է.«Համատեղ հանձնաժողովի նիստերը կվերսկսվեն ուրբաթ առավոտյան: Սա Վիեննայի բանակցությունների չորրորդ փուլն է լինելու, և մենք կշարունակենք նախորդ երեք փուլերում սկսված գործընթացը»:
Նշելով, որ Իրանը թույլ չի տա բանակցությունները վերածել քայքայիչ գործընթացի, Արաղչին ասել է.«Իհարկե, կան խնդիրներ, որոնց մի մասը լուրջ են և պետք է լուծվեն բանակցությունների միջոցով»:
ԻԻՀ-ն ընդգծել է, որ ՀԳՀԾ-ով ստանձնած պարտավորություններին վերադառնալու պայմանն ԱՄՆ-ի կողմից հակաիրանական բոլոր պատժամիջոցների լիարժեք չեղարկումն է:
