Ռոհանի. Իրանը մշտապես ցանկացել է ընդլայնել Լատինական Ամերիկայի երկրների հետ երկկողմ հարաբերությունները»
Թեհրանում Բրազիլիայի նոր դեսպանի հավատարմագիրն ստանալու ժամանակ Իրանի նախագահը շեշտել է.«Իրանը մշտապես ցանկացել է ընդլայնել Լատինական Ամերիկայի երկրների հետ երկկողմ հարաբերությունները»»:
Թեհրանում Բրազիլիայի նոր դեսպան Լուդմար Գոնսալես դե Ագարիենտոյի հավատարմագիրն ստանալու ժամանակ, Իրանի նախագահ Հասան Ռոհանին, Իրանի ու Բրազիլիայի հարաբերությունները լավ ու վաղեմի հարաբերություններ է որակել, ասելով.«Իրանը միշտ կամենում է ընդլայնել երկկողմ հարաբերությունները Լատինական Ամերիկայի երկրների այդ թվում՝ Բրազիլիայի հետ»:
Այս հանդիպման ընթացքում, անդրադառնալով տնտեսական և առևտրական հատկապես գյուղատնտեսական արտադրանքների փոխանակման ոլորտում երկու երկրի հարաբերություններին, Ռոհանին հավելել է.«Հարաբերությունների ընդլայնման համար բոլոր կարողությունների օգտագործումը Իրանի ու Բրազիլիայի ժողովուրդների օգտին է լինելու»:
Նշելով, որ վերջին տարիների ընթացքում չնայած ԱՄՆ-ի պատժամիջոցների հետևանքով առաջացած դժվարություններին կողմերը թույլ չեն տվել, որ հարաբերություններում բարդություններ առաջ գան, Իրանի նախագահը հույս է հայտնել, որ Թեհրանում Բրազիլիայի նոր դեսպանի պաշտոնավարման օրերին հարաբերությունները կընդլայնվեն ու կամրապնդվեն:
