Ռայիսի. Ճապոնիայի հետ հարաբերությունների ընդլայնումը մեծ նշանակություն ունի Իրանի համար
ԻԻՀ նախագահը Իրան-Ճապոնիա հարաբերությունները բարեկակամական է որակել: Ընդգծելով բոլոր ոլորտներում երկու երկրի հարաբերությունների ընդլայնման ու խորացման անհրաժեշտությունը, Ռայիսին ասել է.«Իրանի համար մեծ նշանակություն ունի Ճապոնիայի հետ հարաբերությունների ընդլայնումն ու խորացումը»:
Անդրադառնալով որպես միջազգային համաձայնություն՝ ՀԳՀԾ-ի իրագործման անհրաժեշտության կապակցությամբ Ճապոնիայի ԱԳ նախարարի հայտարարությանը,Սեյեդ Էբրահիմ Ռայիսին ասել է.«Եթե մի երկիր դուրս է եկել ՀԳՀԾ-ից և չի կատարել իր պարտավորությունները, պետք է պատասխանատվության ենթարկվի և ամերիկացիները պետք է պատասխան տան աշխարհի հանրային կարծիքին, թե ինչու չեն կատարել ՀԳՀԾ-ն և ինչու են դուրս եկել միջազգային համաձայնագրից»:
Շնորհավորելով Սեյեդ Էբրահիմ Ռայիսիին, Իրանի Իսլամական Հանրապետության նախագահի պաշտոնում իր գործունեությունն սկսելու համար, Ճապոնիայի արտգործնախարար Տոշիմիցու Մոտեգին կարևորել է երկու երկրների վաղեմի հարաբերությունների զարգացումն ու խորացումը:
«Իրանը և Ճապոնիան վաղ ժամանակներից ի վեր ունեցել են բարեկամական և լավ հարաբերություններ, և ես կասկած չունեմ, որ այդ հարաբերությունները կշարունակվեն և ավելի կզարգանան նոր կառավարության օրոք»,- ասել է Տոշիմիցու Մոտեգին: