Իրանի արտգործնախարարը հանդիպել և խորհրդակցել է Իրաքի նախագահի հետ
Բաղդադում կայացած՝ «Աջակցություն Իրաքին» տարածաշրջանային նիստի շրջանակում, Իրանի արտգործնախարարը հանդիպել է այդ երկրի նախագահ՝ Բարհամ Սալեհի հետ:
Շնորհավորելով նիստի հաջող անցկացման կապակցությամբ և փոխանցելով ԻԻՀ նախագահ Սեյեդ Էբրահիմ Ռայիսիի պատգամն Իրանի արտգործնախարար Հոսեյն Ամիր Աբդոլլահյանն ԻԻՀ աջակցությունն է հայտնել Իրաքի ազգային իշխանությանը և տարածքային ամբողջականությանը:
Հանդիպմանը, Իրաքի նախագահ Բարհամ Սալեհը շնորհակալություն է հայտնել տարածաշրջանային նիստում ԻԻՀ պատվիրակության ներկայության կապակցությամբ և բարձր է գնահատել Իրաքի նկատմամբ Իրանի ցուցաբերած աջակցությունը:
Տարածաշրջանային զարգացումները, տարածաշրջանի երկրների միջև տնտեսական և առևտրային համագործակցությունը և երկու երկրների միջև տնտեսական հարաբերությունների ընդլայնման անհրաժեշտությունն Իրանի ԱԳ նախարարի և Իրաքի նախագահի հանդիպման շրջանակում քննարկված թեմաներն էին:
