Ամիր Աբդոլլահյանը հեռախոսազրույց է ունեցել Իրաքի ԱԳ նախարարի հետ

Իրանի ԱԳ նախարարն Իրաքի վարչապետի դեմ կատարված անհաջող մահափորձից հետո, հեռախոսազրույց է ունեցել այդ երկրի ԱԳ նախարարի հետ:

Ինչպես հաղորդում է «Iran Press» լրատվական գործակալությունը, Իրաքի վարչապետի դեմ կատարված անհաջող մահափորձից հետո, Իրանի ԱԳ նախարար  Ամիր Աբդոլլահյանն իր իրաքցի պաշտոնակից Ֆուադ Հոսեյնի հետ հեռախոսազրույցում, նրան է փոխանցել ԻԻՀ նախագահ Սեյեդ Էբրահիմ Ռայիսիի՝ Մուստաֆա Ալ-Քազեմիին ուղղված ողջույնները, և տեղեկացել Իրաքի վարչապետի առողջական վիճակի մասին :

Հեռախոսազրույցում, Ամիր Աբդոլլահյանը նման միջադեպերը որակել է որպես բարեկամ Իրաքի կայունության և անվտանգության դեմ ուղղված թշնամական քայլեր,  Իրաքի անդորրը խաթարելու նպատակով։

Իրաքի ԱԳ նախարար Ֆուադ Հոսեյնը հեռախոսազրույցի ժամանակ շնորհակալություն հայտնելով Իսլամական Հանրապետության նախագահ Սեյյեդ Էբրահիմ Ռայիսիին և Իրանի ԱԳ նախարարին ցուցաբերած ուշադրության համար, և ներկայացնելով միջադեպի հետ կապված վերջին զարգացումները՝ Ալ-Քազեմիի անունից նաև շնորհակալություն է  հայտնել Իրանի նախագահին։