Տարածաշրջանային անվտանգության բանակցություններին մասնակցելու նպատակով, Շամխանին կմեկնի Հնդկաստան
Իրանի ազգային անվտանգության գերագույն խորհրդի քարտուղարը Հնդկաստանում կմասնակցի տարածաշրջանային անվտանգության երրորդ երկխոսության հանդիպմանը։
Ըստ Iran Press-ի հաղորդման, Իսլամական հեղափոխության գերագույն առաջնորդի ներկայացուցիչ և Իրանի ազգային անվտանգության գերագույն խորհրդի քարտուղար ծովակալ Ալի Շամխանին մասնակցելու է նոյեմբերի 10-ին Նոր Դելիում կայանալիք տարածաշրջանային անվտանգության երրորդ հանդիպմանը:
Հանդիպմանը, որին ներկա են Իրանի, Ռուսաստանի, Չինաստանի, Հնդկաստանի, Ուզբեկստանի, Տաջիկստանի, Թուրքմենստանի և Ղրղզստանի ազգային անվտանգության խորհրդի քարտուղարները և խորհրդականները, քննարկվելու են տարածաշրջանում անվտանգության վերջին զարգացումները։
Անվտանգության տարածաշրջանային երկխոսության հանդիպումը նախաձեռնել է Իրանի Իսլամական Հանրապետությունը, և դրա առաջին հանդիպումը տեղի է ունեցել 2018 թվականին Թեհրանում՝ Աֆղանստանի ճգնաժամի քննարկման նպատակով:
