Իրանի դերը՝ կովկասյան տարածաշրջանում կայունության վերականգնման գործում

Իրանի իսլամական խորհրդարանի Ազգային անվտանգության և արտաքին քաղաքականության հանձնաժողովի անդամն ընդգծել է.«Կովկասում վեցակողմ բանակցություններին Իրանի ներկայությունը կվերադարձնի տարածաշրջանի անվտանգությունն ու կայունությունը»:

Արձագանքելով 3+3 ձևաչափով բանակցություններին Իրանի մասնակցության վերաբերյալ Ռուսաստանի և Թուրքիայի հայտարարություններին, Ֆադահ Հուսեյն ալ-Մալեքին ասել է. «Իսլամական Իրանը տարածաշրջանում առաջին ուժն է, և Թեհրանի ներկայությունը Կովկասի վեցակողմ բանակցություններին, շատ ազդեցիկ կլինի»:

Նա հավելել է. «Բաքվի և Երևանի միջև տեղի ունեցող իրադարձությունները կապված են ոչ թե երկկողմ խնդիրների, այլ այն սադրանքների հետ, որ նյութում են իսրայելցիները, և որոշ երկրներ, գտնվելով նրանց ազդեցության տակ, անում են ճգնաժամ հարուցող քայլեր»:

«Հայաստանի և Ադրբեջանի Հանրապետության միջև լարվածության նվազեցումը կարող է հանգեցնել Հարավային Կովկասում անվտանգության և կայունության վերականգնմանը», - ասել է Մալեքին։

Նա նշել է. «Հուսով ենք, որ վեցակողմ բանակցությունները կունենան դրական արդյունք և  տարածաշրջանային սիներգիայի ականատես կլինենք»։