ԻԻՀ ԱԳ նախարարն ընդգծել է Իրան-Հայաստան համատեղ տնտեսական հանձնաժողովի ստեղծման անհրաժեշտությունը
ԻԻՀ ԱԳ նախարարն իր հայ գործընկերոջ հետ հեռախոսազրույցում հույս է հայտնել, որ երկու երկրների համատեղ տնտեսական հանձնաժողովը կձևավորվի հնարավորինս շուտ։
ԻՌՆԱ-ի հաղորդմամբ; Հոսեյն Ամիր Աբդոլլահյանը և Արարատ Միրզոյանը, չորեքշաբթի օրը կայացած հեռախոսազրույցում, քննարկել են երկկողմ հարաբերություններին, երկու երկրների տնտեսական համագործակցությանը և Համատեղ տնտեսական հանձնաժողովին, ԷԿՕ-ի գագաթնաժողովին, տարածաշրջանային և միջազգային զարգացումներին վերաբերվող մի շարք հարցեր։
Իրանի արտգործնախարարը երկու երկրների հարաբերությունները որակել է ամուր և զարգացող, կոչ անելով դրանքել ընդլայնել ու զարգացնել տարբեր ոլորտներում։
Նա գոհունակություն է հայտնել վերջին ամիսներին երկու երկրների հարաբերությունների աճի միտման կապակցությամբ և կարևորել համագործակցության զարգացումը՝ քաղաքական, տնտեսական և այլ ոլորտներում։
Հայտարարելով իրանական ընկերությունների՝ Հայաստանում իրենց ներկայությունն ուժեղացնելու պատրաստակամության մասին,Իրանի ԱԳ նախարարը հույս է հայտնել, որ երկու երկրների տնտեսական համատեղ հանձնաժողովը կձևավորվի կկայանա որքան հնարավոր է շուտ։
Ամիր Աբդոլլահյանն ընդգծել է տարածաշրջանի երկրների սահմանների որևէ փոփոխություն չընդունելու Իրանի հստակ դիրքորոշումը, մտահոգություն հայտնելով կովկասյան տարածաշրջանում վերջին ռազմական գործողությունների կապակցությամբ և կոչ անելով զսպվածություն ցուցաբերել և հարգել այլ երկրների տարածքային ամբողջականությունը։
Հեռախոսարզրույցում, Հայաստանի արտգործնախարարն անդրադառնալով երկու երկրների հարաբերությունների առաջարկվող ճանապարհային քարտեզին, որի մասին քննարկումէ տեղի ունեցել վերջերս Թեհրան կատարած իր այցի ժամանակ, հայտարարել է համատեղ տնտեսական հանձնաժողով ձևավորելու և Իրանի հետ առևտրային հարաբերություններն ընդլայնելու Երևանի պատրաստակամության մասին։
Միրզոյանը բարձր է գնահատել և կարևորել է Իրանի Իսլամական Հանրապետության դիրքորոշումը՝ երկրների տարածքային ամբողջականությունը հարգելու հարցում: Նա ընդգծել է Թեհրանի հետ հարաբերությունները զարգացնելու Երևանի վճռականությունը, և ևս մեկ անգամ իր գործընկերոջը հրավիրել այցելել Հայաստան:
