Բաղերի Քանի.Իրանը հետ չի կանգնի իր պահանջներից
Իրանի ԱԳ նախարարի քաղաքական հարցերով տեղակալն ասել է.««Իրանը հետ չի կանգնի իր պահանջներից, և ԱՄՆ-ն պետք է առաջին քայլն անի»:
Իրանի ԱԳ նախարարի քաղաքական հարցերով տեղակալ Ալի Բաղերի Քանին իտալական ANSA լրատվական գործակալությանը տված հարցազրույցում ասել է. «Իրանի Իսլամական Հանրապետությունը հետ չի կանգնի 2015 թվականին կնքված միջուկային համաձայնագիրը վերականգնելու և պատժամիջոցները չեղարկելու իր պահանջներից»։
Բաղերի Քանին հավելել է.«Հաշվի առնելով, որ ԱՄՆ-ն էր, որ 2018 թվականին դուրս եկավ համաձայնագրից, ուստի Վաշինգտոնը պետք է անի առաջին քայլը»։
Իրանի ԱԳ նախարարի քաղաքական հարցերով տեղակալը նաև ասել է.«Վիեննայի բանակցային գործընթացում Թեհրանի կողմից «4 + 1» խմբին ներկայացված առաջարկները «փաստարկված են ու տրամաբանական», ուստի կարող են հիմք հանդիսանալ բանակցությունների համար»:
Բաղերի Քանին նշել է.-«Այս առաջարկները հիմք են հանդիսանում բանակցությունների համար, և համաձայնագիրը ստորագրած մյուս կողմը պետք է հիմնավորված պատասխան տա իրանական թիմի առաջարկներին»: