Իրանն ու Պակիստանը համաձայնագիր են կնքել ահաբեկչության և թմրամիջոցների դեմ պայքարի ոլորտում
Իրանի Իսլամական Հանրապետության իրավապահ ուժերի ոստիկանապետը հայտարարել է Իրանի և Պակիստանի միջև ահաբեկչության և թմրամիջոցների դեմ պայքարի ոլորտում համաձայնագրի ստորագրաման մասին։
Իրանի Իսլամական Հանրապետության իրավապահ ուժերի ոստիկանապետ, գեներալ Մոհամմադ Ղանբարին երեքշաբթի օրն Iran Press-ին տված բացառիկ հարցազրույցում Պակիստան կատարած իր այցի մասին ասել է, որ Պակիստանի հետաքննությունների դաշնային բյուրոյի տնօրենի հրավերով է այցելել այդ երկիր և արդյունավետ բանակցություններ են տեղի ունեցել երկու կողմերի միջև։
«Այդ բանակցությունների արդյունքում Իրան-Պակիստան սահմանի երկու կողմերում գտնվող հանցագործները ծանր գին են վճարելու հանցագործությունների դիմաց, իսկ Իրանն ու Պակիստանը ունեն ընդհանուր տեսլական տարբեր հանցագործությունների դեմ պայքարում»,- ասել է ԻԻՀ իրավապահ ուժերի ոստիկանապետը։
Գեներալ Մոհամմադ Ղանբարին հայտարարել է, որ Իսլամաբադ կատարած իր այցի ընթացքում, Իրանի Իսլամական Հանրապետությունը և Պակիստանը լավ պայմանավորվածություններ են ձեռք բերել ահաբեկչության, թմրանյութերի և կազմակերպված հանցավորության դեմ պայքարելու համար:
