Իրանը 110 ՄՎտ էլեկտրաէներգիա կարտահանի Աֆղանստան
Իրանի էներգետիկայի նախարարի միջազգային հարցերով խորհրդականը հայտարարել է Աֆղանստան 110 ՄՎտ էլեկտրաէներգիայի արտահանման մասին։
Մոհամմադ Ալի Ֆարահնաքյանը շաբաթ օրն IRNA-ին տված հարցազրույցում հայտարարել է, որ Աֆղանստան Իրանի էլեկտրաէներգիայի փոխանցման հզորությունը կազմում է 175 ՄՎտ: Նա հավելել է. «Ներկայումս Իրանն Աֆղանստան է արտահանում 110 ՄՎտ էլեկտրաէներգիա»։
Թալիբների ժամանակավոր կառավարությունից Իրան այցելած առաջին նախարարը ջրի և էլեկտրաէներգիայի նախարար Աբդուլ Լաթիֆ Մանսուրն էր, ով բարձրացրեց համագործակցությունը շարունակելու հարցը:
Իրանի էլեկտրական ցանցի կապը հարևան երկրների հետ միջազգային չափանիշներին համապատասխան զարգացնելու ծրագրի նպատակն է ընդլայնել էլեկտրաէներգիայի փոխանակումն ու արտահանումը: Իրանի էներգետիկայի նախարար Ալի Աքբար Մեհրաբյանն այս ծրագրի իրականացումը համարում է իր հիմնական քաղաքականություններից մեկը։
ԱՄՆ-ի կողմից Աֆղանստանի օկուպացիայից հետո մոտ քսան տարի անց այդ երկիրը չունի հանրային ծառայությունների մատուցման համար անհրաժեշտ ենթակառուցվածքներ, ուստի Իրանն օգնության է շտապել աֆղան ժողովրդին։
