Ռայիսի. Երկրի զինված ուժերը ժողովրդի ապավենն են

ԻԻՀ նախագահը հայտարարել է, որ երկրի զինված ուժերը ժողովրդի ապավենն են և դա հաստատում են ոչ թե խոսքով այլ գործով, ինչը հպարտության առիթ է:

Հինգշաբթի օրը, Հորմոզգան նահանգ կատարած այցի շրջանակում, ԻԻՀ նախագահ Էբրահիմ Ռայիսին, անդրադառնալով նահանգի ափամերձ շրջաններում ԻՀՊԿ ուժերի առաքելությանն, ասել է. «ԻՀՊԿ ուժերը լավագույնս պաշտպանում են երկրի ջրային և օդային սահմանները, հատկապես տարածաշրջան եկած ամերիկացիներից, այդ թվում խիզախորեն գերի վերցնելով  երկիր  ներխուժել փորձող ամերիկյան ուժերին»:

Ընդգծելով թշնամու դիմաց զգոնությունը պահպանելու անհրաժեշտությունը, Ռայիսին նշել է. «Այս պահին տարածաշրջանում պատերազմ չկա, սակայն զգոնությունը և իրավիճակի վերահսկողությունը պահպանելն անհրաժեշտ է»: