Իրան. Զբոսաշրջությունը երկրների մերձեցման ամենակարևոր գործոնն է
Իրանի մշակութային ժառանգության, զբոսաշրջության և ձեռարվեստի նախարարը հայտարարել է, որ զբոսաշրջությունն աշխարհի ժողովուրդների մերձեցման ամենաարդյունավետ գործոնն է:
Էզաթոլլահ Զարղամին հինգշաբթի օրը Մադրիդում հանդիպել է Զբոսաշրջության համաշխարհային կազմակերպության գլխավոր քարտուղար Զուրաբ Պոլոլիկաշվիլիի հետ: Հանդիպման ժամանակ, Զարղամին նշել է, որ զբոսաշրջությունն աշխարհի բոլոր մարդկանց իրավունքն է։
Նա հավելել է. «Մարդկանց անմիջական շփումը վերացնում է մարդկային հարաբերությունների վերաբերյալ բացասական կարծիքները և հող է ստեղծում մարդկանց միջև բարեկամության և լավատեսության համար»։
Զբոսաշրջության համաշխարհային կազմակերպության գլխավոր քարտուղարն ասել է. «Իրանը բազմամշակույթ երկիր է և զբոսաշրջային ոլորտում մեծ հնարավորությունների շնորհիվ, աշխարհի գլխավոր զբոսաշրջային հանգույցներից մեկն է»։
Մադրիդում գտնվող Զբոսաշրջության համաշխարհային կազմակերպության կենտրոնակայանում մինչև հունվարի 23-ը տեղի կունենա զբոսաշրջության ոլորտի ակտիվիստների հանդիպում, իսկ Իրանը 14 զբոսաշրջային ընկերություններով կներկայանա Իսպանիայի Fitor ցուցահանդեսին։
