Ամիր Աբդոլլահյան. Իրանը պատրաստ է Վիեննայում կայուն համաձայնության գալ
Իր ճապոնացի գործընկերոջ հետ հեռախոսազրույցում, Իրանի արտգործնախարարն ընդգծել է լավ, կայուն և հուսալի համաձայնության հասնելու Իրանի Իսլամական Հանրապետության պատրաստակամությունը։։
Հեռախոսազրույցի ժամանակ Իրանի արտգործնախարար Հոսեյն Ամիր Աբդոլլահյանը և Ճապոնիայի արտգործնախարար Հայաշի Յոշիմասան մտքեր են փոխանակել երկկողմ հարաբերությունների զարգացման և տարածաշրջանային ու միջազգային խնդիրների շուրջ։ Կողմերը խոսել են տարբեր ոլորտներում երկու երկրների համագործակցության զարգացման և Վիեննայի բանակցությունների գործընթացի մասին:
Ամիր Աբդոլլահյանը հեռաոխսազրույցում ողջունել է Ճապոնիայի հետ համագործակցությունների ընդլայնումը և ընդգծել լավ, կայուն համաձայնության հասնելու Իրանի պատրաստակամությունը։
Ճապոնիայի արտգործնախարար Հայաշի Յոշիմասան, աջակցելով Վիեննայի բանակցություններին, ընդգծել է բոլոր կողմերի լուրջ քայլեր կատարելու անհրաժեշտությունը՝ համաձայնության հասնելու համար:
Ճապոնիայի ԱԳ նախարարը նաև կարևորել է Իրան-Ճապոնիա տնտեսական հարաբերությունների ընդլայնումը և Իրանի ԱԳ նախարարին հրավիրել է այցելել Տոկիո:
