Դեհղան. Իրանի արտաքին քաղաքականության մեջ կարևորվում է հարևանների հետ համագործակցության ընդլայնումը
ԻԻՀ փոխնախագահը հայտարարել է. «Իրանի արտաքին քաղաքականության մեջ կարևորվում է հարևանների հետ համագործակցության ընդլայնումը, հատկապես՝ տնտեսական և առևտրային ոլորտներում»:
Երկուշաբթի օրը, ՀՀ արդարադատության նախարար Կարեն Անդրեասյանի հետ Թեհրանում կայացած հանդիպման ժամանակ, նշելով, որ երկու երկրները պատմական և բարեկամական հարաբերություններ ունեն, Մուհամմադ Դեհղանը հավելել է. «Իրանի արտաքին քաղաքականության մեջ կարևորվում է տնտեսական և առևտրային ոլորտներում հարևանների հետ համագործակցության ընդլայնումը, հիմնված խաղաղության ու բարիդրացիության սկզբունքի վրա»:
Ողջունելով Հայաստանի ու Ադրբեջանի միջև խաղաղության բանակցությունները, Դեհղանը նշել է. «Որոշ երկրների միջամտությունների հետևանքով, հարևան երկրները հակամարտության մեջ են մտել և տարածաշրջանում ճգնաժամ է առաջացել: Մինչդեռ անհրաժեշտ է խնդիրները լուծել երկխոսության միջոցով և խաղաղություն հաստատել տարածաշրջանում»։
Անդրադառնալով Իրանի և Հայաստանի միջև առևտրային հարաբերություններին և Հայաստանում գործունեություն ծավալող իրանցի գործարարների խնդիրներին, Դեհղանը ողջունել է երկու երկրների միջև արբիտրաժային և միջնորդական կենտրոնի ստեղծումը, որը կօգնի առևտրային վեճերի արագ կարգավորմանը:
Ընդգծելով գազի և էլեկտրաէներգիայի ոլորտում երկու երկրների միջև համագործակցության ընդլայնման անհրաժեշտությունը, Դեհղանը հույյս է հայտնել, որ իրանցի ներդրողներն ու ճանապարհաշինական ընկերությունները կմասնակցեն Իրանը Վրաստանին կապող հյուսիս-հարավ ավտոմայրուղու կառուցմանը: .
Նշելով, որ 8 տարի պատերազմից հետո Իրանի ժողովուրդը լավ գիտի խաղաղության գինը, ՀՀ արդարադատության նախարարը հավելել է, որ Հայաստանը խաղաղասեր երկիր է և փորձում է Ադրբեջանի հետ պատերազմից հետո խաղաղություն հաստատել:
