Ռայիսի. Իրանի և Կատարի միջև առևտրատնտեսական հարաբերություններն ընդլայնելու լուրջ կամք կա
Իրանի Իսլամական Հանրապետության նախագահը Կատարում բնակվող իրանցիների հետ հանդիպման ժամանակ հայտարարել է.«Իրանն ու Կատարը վճռակամ են ընդլայնել առևտրատնտեսական հարաբերությունները»:
Նախագահի տեղեկատվական բազայի հաղորդմամբ, Իրանի նախագահ Սեյեդ Էբրահիմ Ռայիսին երկուշաբթի երեկոյան Կատարում բնակվող իրանցիների հետ հանդիպման ժամանակ ասել է, որ տարածաշրջանի ժողովուրդների հարաբերությունները հիմնված են նրանց ընդհանուր համոզմունքների, և մշակույթի վրա։
«Այս տարածաշրջանում կրոնի անվան տակ առաջացած քաղաքակրթությունը մեծ հարստություն է, և միշտ պետք է ձգտել ամրապնդել և թույլ չտալ, որ թվային հաղորդակցության դարաշրջանում անտեսման ու հարձակման ենթարկվի այդ քաղաքակրթությունը»,- ասել է նա:
Նախագահը հավելել է. «Արտասահմանում գտնվող իրանցիները, ինչպես երկրի ներսում գտնվող իրանցիները, ունեն իրավունքներ, և կառավարությունն ունի պարտականություններ նրանց նկատմամբ»։
Ռայիսին նաև ասել է. «Արտերկրում ապրող իրանցիների համար պետք է առավել քան երբևէ դյուրացվի Իրանում տնտեսական ակտիվությունն ու ներդրումներ կատարելը»:
