Իրանի ու Հայաստանի միջև մուտքի տուրքերի նվազեցման վերաբերյալ համաձայնագիր է կնքվել
Իրանի արդյունաբերության, հանքերի և առևտրի նախարարը հայտարարել է հայ պաշտոնյաների հետ բեռնափոխադրումների տուրքերի նվազեցման, ինչպես նաև դեղորայքի և կենցաղային տեխնիկայի համատեղ արտադրության մասին համաձայնագրի կնքման մասին:
ՀՀ էկոնոմիկայի նախարարի հետ կայացած հանդիպումից հետո, Ռեզա Ֆաթեմի Ամինը նշել է. «Հայկական կողմի հետ պայմանավորվածություն ունեինք իրանական դեղորայքի և կենցաղային տեխնիկայի ոլորտում համատեղ արտադրություն հիմնելու և Հայաստան տեխնոլոգիա, հումք և պահեստամասեր արտահանելու, այնուհետև պատրաստի արտադրանքն այլ երկրներ արտահանելու վերաբերյալ»:
Նա նշել է. «Այցի երկու օրերի ընթացքում արդյունավետ հանդիպումներ ենք ունեցել հայ պաշտոնյաներիկի հետ, որոնց ընթացքում քննարկվել են իրանական և հայկական ընկերությունների համատեղ գործունեությունը՝ արտադրության, տարանցման, շուկայավարման և վաճառքի ոլորտներում»։
ԻԻՀ արդյունաբերության, հանքերի և առևտրի նախարարը հայտարարել է, որ Իրանը Հայաստանի հետ երկու պայմանագիր ունի ապրանքների փոխադրման և տարանցման ոլորտներում: Նա նշել է. «Համաձայնագրերից մեկը վերաբերվում է իրանական բեռնատարների ՀՀ մուտքի տուրքերի նվազեցմանը և դրանց հաշվարկման ժամանակ ճանապարհի երկարությունը հաշվի առնելուն: Իսկ երկարատև հեռանկարում որոշվել է, որ իրանական ընկերությունները մասնակցեն Հայաստանի ենթակառուցվածքների զարգացման նախագծերում»:
Պատմական խորը անցյալի շնորհիվ, Իրանն ու Հայաստանը շատ նմանություններ ունեն ինչը դրական է ազդել տարբեր ոլորտներում երկրու երկրների հարաբերությունների վրա: Այդ պատճառով, Հայաստանը լավ դիրք ունի հարևանների հետ Իրանի հարաբերություններում: