Կայացել է Իրանի արդյունաբերականացման շարժման ձեռքբերումների ցուցահանդեսը
2022 թվականի մարտի 2-ից մարտի 5-ը Իրանի կենտրոնում գտնվող Քերման քաղաքի միջազգային ցուցահանդեսների մշտական վայրում կայացել է արտադրության, տեղայնացման և արտահանման շարժման երկրորդ ցուցահանդեսն Իրանի խոշոր հանքարդյունաբերական և արտադրական ընկերությունների ներկայությամբ:
Այս մասնագիտացված ցուցահանդեսն անցկացվել է Իրանի ավելի քան 40 խոշոր հանքարդյունաբերական ընկերությունների ներկայությամբ, ինչպիսիք են Իրանի պղնձի արդյունաբերության ազգային ընկերությունը, Գոլգոհար Սիրջանի արդյունաբերական և հանքարդյունաբերական համալիրը, Շահր Բաբաքի պղնձի համալիրը և այլ արդյունաբերական համալիրներ, և այս ընկերությունները ներկայացրել են իրենց վերջին արդյունաբերական ձեռքբերումները:
Արտադրությունը և տեղայնացումը եղել է Քերմանում անցկացված Իրանի երկրորդ հանքարդյունաբերական և արտադրական ցուցահանդեսի ուշադրության կենտրոնում: Խոշոր հանքարդյունաբերական ընկերությունները էմբարգոյի ընթացքում իրանցի երիտասարդների և ճարտարագետների գիտելիքով և նախաձեռնությամբ, ինչպես նաև գիտելիքահենք ընկերությունների ակտիվ ներկայությամբ կարևոր դեր են ունեցել ազգային արտադրության ավելացման և արդյունաբերական կարիքների ապահովման գործում:
