Իրանի նախագահ. Կասպից ծովն ափամերձ երկրների ժառանգությունն է
ԻԻՀ նախագահն ասել է. «Կասպից ծովն ափամերձ երկրների ժառանգությունն ու կենտրոնն է, որից օգտվում է ավելի քան 270 միլիոն մարդ»:
ԻԻՀ նախագահ Սեյեդ Էբրահիմ Ռայիսին, գլխավորելով բարձրաստիճան պատվիրակություն, չորեքշաբթի օրը մեկնել է Թուրքմենստան՝ մասնակցելու մերձկասպյան երկրների վեցերորդ գագաթնաժողովին:
Մերձկասպյան երկրներն են Իրանը, Ռուսաստանը, Թուրքմենստանը, Ղազախստանը և Ադրբեջանը:
Չորեքշաբթի օրը, Թուրքմենստան մեկնելուց առաջ լրագրողների հետ ճեպազրւյցում, ԻԻՀ նախագահ Սեյեդ Էբրահիմ Ռայիսին հավելել է. «Այցը տեղի է ունենում Թուրքմենստանի նախագահի հրավերով՝ մերձկասպյան երկրների գագաթնաժողովին մասնակցելու նպատակով»:
Նա նշել է. «Իրանը լավ հարաբերություններ ունի մերձկասպյան երկրների հետ, ուստի Աշխաբադի նիստում, բացի ծովի իրավական ռեժիմի և ծովն անվտանգության նպատակներիով օգտագործելու հարցերից, կքննարկվեն նաև տրանսպորտի և տարանցման, առևտրի, Կասպից ծովի կենսառեսուրսների կառավարման, շրջակա միջավայրի պահպանության ոլորտներում երկրների համագործակցության հարցերը և Կասպից ծովում օտարերկրացիների ներկայությունը կանխելու ուղիները»:
ԻԻՀ նախագահն անդրադարձել է նաև Իրանի և Թուրքմենստանի միջև վերջին 30 տարիներին ահստատված լավ հարաբերություններին և ասել. «Վերջին ամիսներին երկու երկրների միջև բեռների տարանցման և գազի փոխանակման պայմանները բարելավվել են, իսկ Իրանի և Թուրքմենստանի միջև առևտրատնտեսական հարաբերությունները՝ զարգացել»: