ԻԻՀ բանակի ցամաքային զորքերում ԱԹՍ-ների նոր միավորներ են ստեղծվել

ԻԻՀ բանակի ռազմացամաքային ուժերի հրամանատարն ասել է.«Ցամաքային ուժը պատրաստվում է ԱԹՍ-ների հինգ նոր միավոր ստեղծել»:

Նշելով,որ այսօր Իրանի Իսլամական Հանրապետության բանակի ռազմացամաքային ուժերում սպառազինության զարգացման  հիմնական հենասյուներից մեկը անօդաչու թռչող սարքերի ասպարեզ մուտք գործելն է,   բրիգադային գեներալ Քյումարս Հեյդարին ասել է.«Անօդաչու թռչող սարքերի 5 խմբեր ստեղծելու առաջարկը ներկայացվել է հրամանատարական հիերարխիային»։

Գեներալ Հեյդարին հավելել է.«Տեսնելով Իրանի Իսլամական Հանրապետության անօդաչու թռչող սարքերի հզորությունը՝ աշխարհը ապշած է: Իրանում  ջանքեր են գործադրվում զինված ուժերի սպառազինության և տեխնիկայի արդիականացման ուղղությամբ, և համապատասխանաբար, հեռահար և ճշգրիտ զենքեր են կիրառվում Իրանի բանակում»:

Իրանի Իսլամական Հանրապետության բանակի ռազմացամաքային ուժերի հրամանատարն ընդգծել է.«Բանակի ցամաքային ուժերը պատրաստ են ցանկացած մակարդակի և մասշտաբով հետ մղել ցանկացած վտանգ և սպառնալիք, և այդ կարողությունը դրսևորվել է այս ուժերի վերջին զորավարժություններում»։