Ռայիսի. Այսօր Իրանն ավելի ուժեղ է, քան երբևէ
ԻԻՀ նախագահը հայտարարել է. «Իսլամական Իրանն այսօր ավելի ուժեղ է, քան երբևէ»։
Էբրահիմ Ռայիսին հինգշաբթ օրը Քերմանշահ նահանգից ուղղաթիռով մեկնել է Իրանի և Իրաքի սահմանային շրջաններ և այցելել երկու երկրների ընդհանուր սահմանին գտնվող Ղասրե Շիրին քաղաքի Փարվիզ խան սահմանային տերմինալ և մաքսակետ։
Նույն օրը, Քերմանշահ քաղաքի իմամ Խոմեյնիի մարզադահլիճում քաղաքացիների հետ հանդիպման ժամանակ, Ռայիսին հայտարարել է, որ ԱՄՆ-ի ու նրա դաշնակիցների ներկայությունը տարածաշրջանում անապահովության պատճառն է։ Նա նշել է. «Տարածաշրջանի մուսուլման ժողովուրդներն ատում են ԱՄՆ-ի և նրա դաշնակիցների նվաստացուցիչ հարաբերությունները»։
Ռայիսին հավելել է. «Սիոնիստական ռեժիմը պետք է իմանա, որ չի կարող աչք տնկել ոչ մի տեղի վրա: ԱՄՆ-ն ու և նրա դաշնակիցները պետք է իմանան, որ Իրանի մեծ ժողովուրդը չի ընդունում տարածաշրջանում որևէ անապահովություն և ճգնաժամ»։