Իրանը դատապարտել է Քաբուլում Ռուսաստանի դեսպանատան մոտ տեղի ունեցած ահաբեկչությունը
Իրանի ԱԳՆ խոսնակը խստորեն դատապարտել է Քաբուլում ՌԴ դեսպանատան մոտ իրականացված ահաբեկչական գործողությունը, որի հետևանքով զոհվել է ՌԴ դեսպանատան երկու աշխատակից և շենքում գտնվող մի քանի աֆղանցի այցելու:
Երկուշաբթի օրն ԻԻՀ ԱԳՆ խոսնակ Նասեր Քանանի Չաֆին ցավակցություն է հայտնել Ռուսաստանի կառավարությանը՝ Քաբուլում այդ երկրի դեսպանատան երկու աշխատակիցների, ինչպես նաև Աֆղանստանի քաղաքացիների ընտանիքներին։ Նա Աֆղանստանի իշխանություններին կոչ է արել անվտանգության ավելի լուրջ միջոցառումներ ձեռնարկել՝ դեսպանատների և դիվանագիտական վայրերի անվտանգությունն ապահովելու համար:
Երկուշաբթի օրը Քաբուլում Ռուսաստանի դեսպանատան մոտ տեղի ունեցած ահաբեկչության հետևանքով զոհվել կամ վիրավորվել է առնվազն 20 մարդ: Ռուսաստանի արտաքին գործերի նախարարությունը հաստատել է դեսպանատան երկու աշխատակիցների մահվան լուրը:
