Իրանը կոչ է արել կայուն հրադադար հաստատել Տաջիկստանի և Ղրղզստանի միջև
Իրանի ԱԳՆ խոսնակը մտահոգություն է հայտնել Տաջիկստանի և Ղրղզստանի միջև բախումների սրման կապակցությամբ և կոչ արել կայուն զինադադար հաստատել և լուծել տարաձայնությունները:
Շաբաթ օրը, Տաջիկստանի և Ղրղզստանի միջև սահմանային բախումներից հետո, Նասեր Քանանին, անդրադառնալով երկու երկրների հետ Իրանի բարեկամական սերտ հարաբերություններին, Թեհրանի պատրաստակամությունն է հայտնել՝ աջակցելու տարաձայնությունների լուծմանը:
Ղրղզստանի և Տաջիկստանի միջև սահմանային լարվածությունը ժամանակ առ ժամանակ սրվում է և որոշ ժամանակ անց իրավիճակը հանդարտվում է: Չորեքշաբթի առավոտյան երկու երկրների սահմանին բախումները վերսկսվել են:
Ուրբաթ օրը Ղրղզստանի և Տաջիկստանի հատուկ նշանակության ջոկատների ղեկավարները պայմանավորվել են տեղական ժամանակով ժամը 16:00-ից հրադադար հաստատել երկու երկրների սահմանային հատվածներում։