Ռոհանի.«Իրանը երբեք մերժված չի եղել միջազգային հանրության կողմից»
ԻԻՀ-ի նախագահն ասել է.« Իրանի իսլամական հանրապետությունը երբեք մերժված չի եղել միջազգային հանրության կողմից»:
«Ֆրանս-24» հեռուստաընկերությանը տված բացառիկ հարցազրույցում, անդրադառնալով 2013թ. ՄԱԿ-ի Գլխավոր ասամբլեայի նստաշրջանում բռնություններից ու ծայրահեղականությունից զերծ աշխարհ կերտելու մասին ներկայացրած իր առաջարկին, ԻԻՀ-ի նախագահ Հասան Ռոհանին հավելել է.« Թե՛ նախքան միջուկային համաձայնությունը թե՛ դրանից հետո Իրանը երբեք մերժված չի եղել միջազգային հանրության կողմից»:
«Հենց նույն ժամանակահատվածում այսինքն 2013 թ. եվրոպական երկրների ղեկավարները դեմ էին Իրանի նկատմամբ կիրառվող անարդար շրջափակումներին ու պնդում էին, որ դա սխալ ուղի է»,-նշել է նախագահ Ռոհանին:
Հայտնելով, որ ինքը դեմ է Սիրիայում արտաքին միջամտություններին, այդ երկրի ճգնաժամի կապակցությամբ նախագահ Ռոհանին ասել է.«Սիրիայի ճգնաժամի կարգավորման միակ ելքը քաղաքական բանակցություններն են»:
