Իրանը և Բելառուսը բանակցել են նավթային սարքավորումների արտահանման շուրջ
Իրանի ազգային նավթընկերության արտադրության աջակցության և արտադրանքի մատակարարման տնօրենը հայտարարել է, որ Իրանը նավթային սարքավորումների արտահանման շուրջ բանակցություններ է վարել Բելառուսի հետ:
Իրանի ազգային նավթընկերության արտադրության աջակցության և արտադրանքի մատակարարման տնօրեն Բորզու Ղանբարին տեղեկացնելով Բելառուսի պատվիրակության հետ բանակցությունների մասին, ասել է.«Դեպի այս երկիր նյութերի, սարքավորումների և տեխնիկական գիտելիքների արտահանման շուրջ բանակցությունները շարունակվում են»:
Ղանբարին հավելել է.«Նավթային արդյունաբերության սարքավորումների արտադրության և տեխնիկական ծառայությունների տրամադրման և գիտելիքների փոխանցման ոլորտում Բելառուսի պատվիրակության հետ հանդիպում է ունեցել Իրանի ազգային նավթընկերության արտադրության աջակցության և արտադրանքի մատակարարման տնօրենությունը»:
«Ներքին արտադրողները շատ լավ կարողություններ ունեն Բելառուսի պահանջած ապրանքների արտադրության և մատակարարման ոլորտում, ուստի մենք կարող ենք հեշտությամբ բավարարել նրանց կարիքները», ասել է Բորզու Ղանբարին:
Նա հավելել է.«Հաշվի առնելով, որ իրանցի արտադրողներն ունեն բարձր տեխնիկական գիտելիքներ և տեխնոլոգիաներ, ինչպես նաև նկատի ունենալով Իրանում ապրանքների ավելի ցածր գները, այս համագործակցության շարունակականությունը շատ պարզ է»։
