ԻՀՊԿ. Ահաբեկչական խմբավորումների շտաբը թիրախավորվել է Իրաքի տարածքում 80 կմ խորության վրա

Իրանի Իսլամական հեղափոխության պահապանների կորպուսի ցամաքային ուժերը հայտարարել են, որ այս ուժերի հրթիռային և անօդաչու սարքերի գործողությունների ընթացքում թիրախավորվել են Իրաքի Քրդստանի շրջանում ահաբեկչական խմբավորումների նոր շտաբը թե սահմանին, և թե Իրաքի տարածքում 80 կիլոմետր խորության վրա:

Այսօր՝ երկուշաբթի, Իրաքի հյուսիսում իրականացվել է Իսլամական հեղափոխության պահապանների կորպուսի ցամաքային զորքերի երկրորդ լայնածավալ հրթիռային և անօդաչու սարքերի գործողությունն ընդդեմ անջատողական ահաբեկչական խմբավորումների։

Սեյեդ ալ-Շոհադա զորամասի հրամանատար, բրիգադային գեներալ Մոհամմադ Թաղի Ասանլուն ասել է.«Իրաքում ահաբեկչական և անջատողական խմբավորումների շտաբի դեմ Իրանի գործողությունների առաջին փուլից հետո, ահաբեկիչները փորձել են ուժերը վերատեղակայել այլ շրջաններում, որոնք նույնպես բացահայտվել և թիրախավորվել են:

Նշելով, որ Իրանի հյուսիս-արևմտյան քաղաքներում մի շարք սպանություններ իրականացվել են փորձառու ավազակախմբերի կողմից, բրիգադային գեներալ Ասանլուն հավելել է, որ այս սպանությունները տեղի են ունեցել Սանանդաջ, Բանե, Մահաբադ, Բուքան քաղաքներում։
Իսլամական հեղափոխության պահապանների կորպուսի նախորդ հարձակումը իրականացվել է սեպտեմբերի 24-ին,  բազմիցս զգուշացումներից հետո։