Իրանի Իսլամական խորհրդարանի նախագահ. Իրանցիները Սահմանադրությունը համարում են իրենց ազգային ուխտը
Իրանի Իսլամական խորհրդի նախագահ Մոհամմադ Բաղեր Ղալիբաֆը նշել է, որ բոլորը պետք է հարգեն Սահմանադրությունը՝ անկախ իրենց կողմնորոշումից, ճաշակից, կրոնից և ազգային պատկանելությունից՝ հավելելով, որ իրանցիները Սահմանադրությունը համարում են իրենց ազգային ուխտը։
Իրանի Իսլամական խորհրդարանի նախագահը Սահմանադրության պատասխանատվության ազգային կոնֆերանսում հավելել է, որ թշնամին թիրախավորել է Սահմանադրության մեջ նշված Իրանի ազգային միասնությունը, տարածքային ամբողջականությունը և Իրանի ժողովրդի հիմնական համոզմունքները։
Ղալիբաֆը հստակեցրել է, որ Իրանի ինքնիշխանության և ժողովրդի համախմբման և ամբողջականության պահպանման համար չկա ավելի վավերական և մատչելի փաստաթուղթ, քան Սահմանադրությունը։
Իրանում վերջերս տեղի ունեցած անկարգությունների ժամանակ ԱՄՆ-ի և Եվրոպայի քաղաքական առաջնորդները, նրանց լրատվամիջոցները և Արևմուտքի կողմից հովանավորվող պարսկալեզու լրատվամիջոցները չարաշահեցին ողբերգական իրադարձությունը և Իրանի ժողովրդի իրավունքներին աջակցելու կարգախոսով աջակցություն ցուցաբերեցին խռովարարներին և ազգային անվտանգությունը խաթարողներին: Միևնույն ժամանակ, Իրանի միլիոնավոր քաղաքացիներ դեմ գնալով խռովարարներին, դուրս եկան երկրի փողոցներ և հրապարակներ՝ ի պաշտպանություն իրենց երկրի և համակարգի: