Մեծ Բրիտանիան ժամանակավորապես Թեհրանից հետ է կանչել իր դեսպանին
Մեծ Բրիտանիայի արտգործնախարար Ջեյմս Քլեվերլին հայտարարել է, որ Ալիռեզա Աքբարիի մահապատժից հետո Լոնդոնը ժամանակավորապես հետ է կանչել իր դեսպանին Թեհրանից հետագա խորհրդակցությունների համար։
ԻՌՆԱ-ի հաղորդման համաձայն, շաբաթ օրը Ջեյմս Քլեվերլին Twitter-ում հաղորդագրություն է հրապարակել՝ շեշտելով, որ Լոնդոնը դիտարկում է հաջորդ քայլերը՝ ի պատասխան Աքբարիի մահապատժի որոշման վերաբերյալ։
Դատական իշխանության լրատվական կենտրոնը հայտարարել է. «Իրանա-բրիտանական երկքաղաքացի Ալիռեզա Աքբարիի դատավճիռը, ով դատապարտվել է մահապատժի երկրում կոռուպցիայի և բրիտանական հետախուզական ապարատի օգտին լրտեսության միջոցով երկրի ներքին ու արտաքին անվտանգության դեմ լայնածավալ գործողությունների մեղադրանքով՝ մահապատժի է ենթարկվել:
Մինչդեռ շաբաթ օրը Թեհրանում Մեծ Բրիտանիայի դեսպան Սայմոն Շերքլիֆին Արևմտյան Եվրոպայի գլխավոր տնօրենը կանչեց Արտաքին գործերի նախարարություն՝ ի պատասխան Բրիտանիայի ոչ սովորական միջամտությունների, այդ թվում՝ Իրանի ազգային անվտանգության դեմ ուղղված գործողությունների համար։
Հանդիպման ընթացքում բրիտանական կառավարությանն է փոխանցվել Իրանի խիստ բողոքը՝ կապված ԻիՀ ազգային անվտանգությանը հակասող գործողությունների հետ:
Թեհրանում Մեծ Բրիտանիայի դեսպանն ասել է, որ բարձրացված հարցերը կփոխանցի Լոնդոնին։
