Իրանը վերանորոգում է Վենեսուելայի ամենամեծ նավթավերամշակման համալիրը
Իրանի նավթի բաշխման և վերամշակման ազգային ընկերությունը շուտով կսկսի Վենեսուելայի խոշորագույն նավթավերամշակման համալիրի 100-օրյա վերանորոգումը, որպեսզի մեծացնի երկրի հում նավթի վերամշակման հզորությունը և վառելիքի արտադրությունը:
Վենեսուելայի պետական նավթային ընկերությունը և Իրանի նավթի վերամշակման և բաշխման ազգային ընկերությունը պայմանավորվել են վերջ դնել ԱՄՆ-ի վերամշակման տեխնոլոգիայից Վենեսուելայի կախվածությանը , ավելացնել վառելիքի արդյունահանումը «Պարագվա»-ի նավթավերամշակման գործարանում և վերանորոգել Վենեսուելայի խոշորագույն նավթավերամշակման համալիրը:
Չնայած աշխարհում հում նավթի ամենամեծ պաշարներից մեկն ունենալուն, վերջին տարիներին Վենեսուելան նավթավերամշակման գործարանների աշխատանքի խափանման պատճառով բենզինի և դիզելային վառելիքի արտադրության խնդրի առաջ է կանգնել։
Վենեսուելայի հետ հարաբերություններն ամրապնդելու նպատակով Իրանը այս երկիր է արտահանել հում նավթ և նավթի կոնդենսատ, պահեստամասեր և հումք Վենեսուելայի հին վերամշակման ցանցի համար՝ օրական մեկ միլիոն 300 հազար բարել հզորությամբ։
