ԻՀՊԿ ցամաքային ուժերի հրամանատար. Մենք անընդհատ վերադասավորում ենք մեր պաշտպանական կարողությունները

ԻՀՊԿ ցամաքային ուժերի հրամանատարը, ընդգծելով արտատարածաշրջանային տեղաշարժերի մշտական մոնիթորինգը, հայտարարեց, որ Իրանի պաշտպանական կարողությունները անընդհատ վերադասավորվում և ամրապնդվում են՝ ցանկացած սպառնալիքի դիմակայելու համար։

Բրիգադի գեներալ Մոհամմադ Քարամին, Պարսից ծոցի ափամերձ տարածքների և ռազմավարական կղզիների այցելության ժամանակ, մարտական պատրաստվածությունը, մասնագիտական ուսուցումները և ԻՀՊԿ ցամաքային ուժերի ստորաբաժանումների հզոր ներկայությունը համարեց այս ռազմավարական տարածաշրջանում կայուն անվտանգության պահպանման գլխավոր հենասյուներից։

Հղում անելով Իրանի ռադիոհեռուստատեսության լրատվական գործակալությանը, ParsToday հաղորդել է, որ բրիգադի գեներալ Քարամին, անդրադառնալով Պարսից ծոցում Իրանի ափամերձ տարածքների և կղզիների ռազմավարական նշանակությանը՝ նշեց, որ այդ տարածքներում տեղակայված ուժերը, հենվելով զգոնության, ջիհադիստական ոգու և մշտական պատրաստակամության վրա, դիմադրում են թշնամիների ցանկացած սպառնալիքին և ագահությանը։ Նա նաև ընդգծեց ժողովրդական պաշտպանության ցանցն ամրապնդելու և Բասիջ աշխարհազորայինների կարողությունը մեծացնելու անհրաժեշտությունը՝ Իրանի կղզիները պաշտպանելու համար, և հավելեց, որ Իսլամական Հանրապետության ժողովուրդն ու զինված ուժերը լիովին պատրաստ են արձագանքելու ագրեսիայի ցանկացած ակտի։