Ղալիբաֆ. Իսլամական խորհրդարանների միության նիստում իսլամական երկրների միասնությունը կարևոր իրադարձություն էր
Իրանի Իսլամական խորհրդարանի նախագահը հայտարարել է. «Ալժիրում կայացած՝ Իսլամական խորհրդարանների միության նիստում իսլամական երկրների միասնությունը կարևոր իրադարձություն էր»։
Վերջերս Ալժիրում կայացած Իսլամական համագործակցության կազմակերպության անդամ երկրների խորհրդարանական միության 17-րդ համաժողովին ներկա էին խորհրդարանների 18 նախագահներ և 40 պատվիրակություններ՝ իսլամական երկրների խորհրդարաններից։
Իրանի Իսլամական խորհրդարանի նախագահ Մոհամեդ Բաղեր Ղալիբաֆը, խորհրդարանի կիրակի օրվա դռնբաց նիստում հայտարարել է. «Իսլամական խորհրդարանների միությունը միաձայն դատապարտել է Հորդանան գետի արեւմտյան ափին Սիոնիստական ռեժիմի վերջին գործողությունները»:
Ղալիբաֆը նշել է. «Այս հանդիպման մյուս կարևոր ձեռք բերումն իսլամական երկրների միասնությունն էր՝ ընդդեմ եվրոպական երկրների հակաիսլամական գործողությունների: Այդ կապակցությամբմ, ըդնունվեց բանաձև, որում դատապարտվում են իսլամական սրբությունների, ներառյալ՝ սուրբ Ղուրանի անարգումը և իսլամական առաջնորդներին ուղղված վիրավորանքը»:
Ըստ Ղալիբաֆի. «Իսլամական երկրների խորհրդարանները վճռականորեն մերժել են Եվրախորհրդարանի միջամտությունն իսլամական երկրների, այդ թվում՝ Իրանի ներքին գործերին: Հուսով ենք, որ իսլամական երկրները միասնությամբ և համագործակցությամբ կշարժվեն նոր աշխարհակարգում նոր ուժ ստեղծելու ուղղությամբ»։