Գեներալ-մայոր Բաղերի. Իրանը հեշտ թիրախ չէ ագրեսորների համար
Իրանի զինված ուժերի գլխավոր շտաբի պետը «Օղաբ (Արծիվ)-44» բազա այցելության ժամանակ ասել է, որ Իրանը հեշտ թիրախ չի լինի ագրեսոր թշնամու համար։
Իրանի Իսլամական Հանրապետության ռազմաօդային ուժերը երեքշաբթի օրը բացեցին իրենց առաջին ստորգետնյա ավիաբազան, որը կոչվում է «Օղաբ 44»:
Իրանի Իսլամական Հանրապետության զինված ուժերի գլխավոր շտաբի պետ, գեներալ-մայոր Մոհամմադ Բաղերին բազա կատարած այցի ընթացքում բանակի հրամանատարներին և անձնակազմին հայտարարել է, որ հակառակորդի հետ գործ ունենալու համար, բացի ակտիվ պաշտպանությունից, անհրաժեշտ է ունենալ անվտանգ, անթափանց, անմատչելի և անխորտակելի ստորգետնյա հիմքեր:
Ընդգծելով մարտավարական բազաների կառուցման գործընթացը շարունակելը գեներալ Բաղերին ասել է.«Իրանում անվտանգ բազաների կառուցումը, որի մի քանի օրինակներից մեկն է այս բազան, կշարունակվի, որպեսզի թշնամին ավելի ու ավելի հուսահատվի Իրան հաջող ներխուժումից, և Իսլամական Հանրապետության զսպող ուժը դառնա ավելի ուժեղ, ավելի կանգուն և ավելի կայուն իրանցիների անվտանգության և խաղաղության համար:
Իրանի զինված ուժերի գլխավոր շտաբի պետն ընդգծել է, որ «Օղաբ 44» բազան գտնվում է լեռների տակ, որտեղ ոչ մի ռումբ կամ զենք արդյունավետ չէ, և այն ունի Իրանի ռազմաօդային ուժերի ռազմավարական տեխնիկան և սպառազինությունը պահպանելու հնարավորություն և բարելավում է թշնամիներին ճնշող ուժի գործառնական կարողությունը:
Գեներալ Բաղերին հստակեցրել է.«Սիոնիստական ռեժիմը նույնպես փորձում է օգտագործել Իրանի շրջակայքում գտնվող բազաները, և Իրանը հայտարարել է, որ եթե աշխարհի որևէ երկրի բազան օգտագործվի ԻԻՀ-ի վրա հարձակվելու համար, բացի Սիոնիստական ռեժիմից, այդ բազան նույնպես կենթարկվի ծանր հարձակման: