Խարազի. Իրանի քաղաքականությունը տարածաշրջանի երկրներում կայունություն և անվտանգություն հաստատելն է
Լիբանանի խորհրդարանի նախագահի հետ հանդիպման ժամանակ, ԻԻՀ արտաքին հարաբերությունների ռազմավարական խորհրդի նախագահը հայտարարել է. «Իրանի քաղաքականությունը տարածաշրջանի երկրներում կայունություն և անվտանգություն հաստատելն է»։
Fars գործակալության հաղորդմամբ՝ հանդիպմանը Նաբիհ Բերին ներկայացրել է Լիբանանի քաղաքական իրավիճակը և նախագահի ընտրության գործընթացը, նշելով. «Կառավարության ձևավորումը հնարավոր է միայն միջլիբանանյան երկխոսության միջոցով»։
Լիբանանի արտաքին գործերի նախարար Աբդուլլահ Բուհաբիբի հետ հանդիպմանը, ԻԻՀ արտաքին հարաբերությունների ռազմավարական խորհրդի ղեկավարն ասել է, որ Իրանը աջակցում է Բեյրութում ուժեղ կառավարության ձևավորմանը։
Լիբանանի ԱԳ նախարարը ողջունել է Իրանի և Սաուդյան Արաբիայի միջև ձեռք բերված վերջին պայմանավորվածությունները, նշելով, որ երկու երկրների բարեկամական հարաբերությունները կնպաստեն տարածաշրջանում կայունության հաստատմանը և դրական զարգացումներին:
