Ամիր Աբդոլլահյանը վաղը կմեկնի Ռուսաստան

Ռուսաստանում Իրանի դեսպանը հայտնել է Իրանի արտգործնախարարի Մոսկվա կատարելիք այցի մասին։

Mehr  լրատվական գործակալության հաղորդման համաձայն,  Ռուսաստանում Իրանի դեսպան Քազեմ Ջալալին երեքշաբթի օրն իր թվիթերյան միկրոբլոգում գրել է.-«Մարտի 29-ին Մոսկվան կհյուրընկալի Իրանի արտաքին գործերի նախարար Հոսեյն Ամիր Աբդոլլահյանին»:

ՌԴ-ում Իրանի դեսպանը հավելել է,-«Իրանի և Ռուսաստանի ԱԳ նախարարները խորհրդակցելու են երկու երկրների նախագահների միջև ձեռք բերված պայմանավորվածություններին հետամուտ լինելու, տարածաշրջանային զարգացումների,  համատեղ հանձնաժողովում ձեռք բերված պայմանավորվածությունների գործընթացի  և Հյուսիս-Հարավ միջանցքի վերջին կարգավիճակի մասին»: 

Իրանը և Ռուսաստանը երկկողմ ոլորտներում, հատկապես տնտեսական, ռազմական ու անվտանգության հարաբերությունների, ինչու չէ նաև տարածաշրջանային ու միջազգային հարցերի , այդ թվում ԱՄՆ-ի միակողմանիության դեմ պայքարի  բնագավառներում  ռազմավարական ընդհանուր շահեր ունեն,ինչը  վերջին տարիներին երկու կողմերի սերտ համագործակցության հիմնական գործոններից է եղել։ .