Իրանի կառավարության արձագանքը Բաքվի իշխանությունների կոշտ դիրքորոշումներին. Մենք հետևում ենք Սիոնիստական ռեժիմի գործողություններին տարածաշրջանում
Իրանի կառավարության խոսնակը պատասխանելով Ադրբեջանի Հանրապետության իշխանությունների կոշտ դիրքրոշումներին, ասել է.-«Թեհրանն ուշադիր հետևում է Իրանի և Ադրբեջանի Հանրապետության վերաբերյալ Սիոնիստական ռեժիմի արկածախնդիր քայլերին և ժամանակին անհրաժեշտ միջոցներ կձեռնարկի»։
Երեքշաբթի օրը կայացած մամուլի ասուլիսում Իրանի կառավարության խոսնակ Ալի Բահադորի Ջահրոմին ասել է, որ Իրանն ու Ադրբեջանի Հանրապետությունն անքակտելի կապեր ունեն, երկու ժողովուրդների թշնամին համարվող Սիոնիստական ռեժիմը փորձել է անջրպետ ստեղծել,բայց Իրանը վերահսկում է երկու ժողովուրդների թշնամու գործողությունները, և ժամանակին կպատասխանի:
Որոշ ժամանակ է, ինչ Ադրբեջանի Հանրապետությունը, Սիոնիստական ռեժիմի պնդումների ազդեցության տակ, Իրանի հասցեին մեղադրանքներ է հնչեցնում և Թեհրանի հետ հարաբերություններում լարվածություն ստեղծում:
Բահադորի Ջահրոմին նաև ցավակցություն է հայտնել Սիրիայում Իրանի երկու ռազմական խորհրդականների նահատակության կապակցությամբ և հավելել -«Սիոնիստական ռեժիմը ևս մեկ անգամ ցույց է տվել, որ ներքին ճգնաժամերի ժամանակ ահաբեկչական գործողություններ է իրականացնում սահմանից դուրս, ինչը կարելի է իրավական և դիվանագիտական առումով հետապնդել և դա անպատասխան չի մնա»:
Անդրադառնալով ԻԻՀ նախագահին ուղղված Սաուդյան Արաբիայի թագավորի Ռիադ այցելելու պաշտոնական հրավերին, Իրանի կառավարության խոսնակը նշել է -« Իրանի և Սաուդյան Արաբիայի արտգործնախարարները երեք անգամ բանակցություններ են վարել, և նախատեսված է առաջիկա օրերին երկու երկրի արտգործնախարարների հանդիպումը»։
Բահադորի Ջահրոմին Հաագայի միջազգային դատարանի վերջնական որոշման մասին ասել է,-«Հաագայի դատարանի որոշումը պատմական ձախողում էր այն ԱՄՆ-ի համար, ով սովորություն էր դարձրել խախտել միջազգային օրենքները»։