Իրանի արտգործնախարարը Պեկինում հանդիպել է իր սաուդացի գործընկերոջ հետ

Պեկինում կայացել է ԻԻՀ ԱԳ նախարար Հոսեյն Աիր Աբդոլլահյանի և Սաուդյան Արաբիայի ԱԳ նախարար Ֆեյսալ Բեն Ֆարհանի հանդիպումը:

Կարևորելով երկկողմ հարաբերությունների պաշտոնական վերսկսումը, նախարարները քննարկել են երկու երկրների դեսպանությունների և հյուպատոսությունների վերաբացմանն ուղղված   քայլերը և  երկկողմ հարաբերություններին առընչվող որոշ հարցեր: 

Նախատեսվում է նաև Իրանի ԱԳ նախարարի հանդիպումն իր չինացի գործընկերոջ հետ, որի ընթացքում կքննարկվեն երկկողմ համագործակցության տարբեր ոլորտներն, ինչպես նաև տարածաշրջանային և միջազգային հարցեր: