Իրանում վերաբացվել է 4200 փակ արդյունաբերական միավոր
Իրանի Խուզեստան նահանգ կատարած այցի ժամանակ, ԻԻՀ նախագահ Էբրահիմ Ռայիսին հայտարարել է 4200 արդյունաբերական միավորների վերագործարկման մասին:
Նա նշել է. «Ժամանակի ընթացքում փակված արտադրական միավորներն այսօր վերսկսել են աշխատանքը մեր մասնագետների ջանքերի շնորհիվ»:
Ռայիսին նշել է, որ Խուզեստան նահանգում վերագործարկվել է 160 փակ արտադրական միավոր:
ԻԻՀ նախագահը հավելել է, որ արտադրական միավորների մի մասը չէր աշխատում արդեն 10 տարի և դրանց վերագործարկմամբ ակտիվացել է արդյունաբերությունը, բացվել են աշխատատեղեր, մարդկանց լճացած կապիտալից մի քանի հազար միլիարդ թուման դրվել է շրջանառության մեջ և հույսը վերադարձել է տարածաշրջան:
Նրա խոսքով. «Եթե գնաճի վերահսկողությունը չի ուղեկցվում արտադրության աճով, դա հանգեցնում է լճացման։ Արտադրության աճի միջոցով մենք փորձելու ենք զսպել գնաճը»:
