Ռայիսին Թավրիզում կմասնակցի մի շարք շինարարական նախագծերի մեկնարկի արարողությանը

Հինգշաբթի օրն ԻԻՀ նախագահ Էբրահիմ Ռայիսին ժամանել է Թավրիզ, որտեղ կամսնակցի մեկ տասնյակ քաղաքացիական, արդյունաբերական, հանքարդյունաբերական, գյուղատնտեսական և մշակութային նախագծերի բացման արարողությանը:

Նահանգային երկօրյա այցի շրջանակում Ռայիսին կմասնակցի նաև Բոստանաբադ-Թավրիզ երկաթուղու բացման արարողությանը:

Օդակայարանում լրագրողների հետ ճեպազրույցում նախագահն ասել է. «Այս այցի ընթացքում ծանոթանալու եմ Արևելյան Ատրպատական կատարած նախորդ այցի  ժամանակ տրված հրահանգների իրականացման ընթացքին: Նահանգում դրական քայլեր են արվել բնակարանաշինության ոլորտում, բայց դրանք պետք է ավարտին հասցվեն»։