Ռայիսի. Իրանը և Կատարը լավ կարողություններ ունեն համագործակցությունն ընդլայնելու համար
ԻԻՀ նախագահը Կատարի Էմիրի հետ հեռախոսազրույցում ասել է, որ Իրանը և Կատարը լավ կարողություններ ունեն միմյանց հետ երկկողմ, տարածաշրջանային և միջազգային համագործակցությունն ընդլայնելու համար։
ԻԻՀ նախագահ Սեյյեդ Էբրահիմ Ռայիսին Կատարի Էմիր շեյխ Թամիմ բեն Համադ Ալ Թանիի հետ հեռախոսազրույցում, շնորհավորել է նրան ու Կատարի ժողովրդին Ղորբան տոնի առթիվ և ընդգծել է, որ ԻԻՀ մշտապես շեշտը դրել է Կատարի հետ հարաբերությունների մակարդակի բարձրացման և համագործակցության ընդլայնման վրա»։
Ռայիսին շնորհակալություն է հայտնել Կատարի Էմիրին և վարչապետին՝ ԻԻՀ հետ համատեղ ծրագրերն ու պայմանավորվածությունները խթանելուն ուղղված ջանքերի համար և հավելել, որ Իրանը երկկողմ փոխգործակցության զարգացումը դիտարկում է որպես երկկողմ տարածաշրջանային և միջազգային համագործակցությունը ամրապնդելու միջոց։
Կատարի էմիր շեյխ Թամիմ բեն Համադ ալ Թանին իր ամենաջերմ շնորհավորանքն է հայտնել Իրանի նախագահին և ժողովրդին Ղորբան տոնի կապակցությամբ և հայտարարել է իր երկրի պատրաստակամությունը մեծացնելու տնտեսական համագործակցությունն ու ներդրումները և ասել,- «Հաշվի առնելով լավ քննարկումներն ու խորհրդակցությունները, որոնք արվել են հարաբերությունների զարգացման ուղղությամբ՝ մենք պատրաստ ենք մոտ ապագայում տնտեսական համագործակցության համատեղ հանձնաժողով անցկացնել»։
Իրանի և Կատարի հարաբերությունները Արևմտյան Ասիայի տարածաշրջանի կայուն և բարեկամական հարաբերություններից են, որոնք ավելի քիչ վերելքներ ու վայրէջքներ են ունեցել։
Իրան-Կատար հարաբերությունների խաղաղ և բարեկամական բնույթը պայմանավորված է միմյանց դրական ըմբռնմամբ և արտաքին քաղաքականության մեջ նրանց վարքագծով: