Իրանը զգուշացնում է ԱՄՆ-ին. ցանկացած սխալ քայլ կհանգեցնի ցավոտ հարվածների
«Խաթամ ալ-Անբիա» կենտրոնական շտաբը՝ Իրանի բարձրագույն ռազմական հրամանատարական կենտրոնը, զգուշացրել է, որ եթե ԱՄՆ-ն որևէ գործողություն ձեռնարկի Իրանի դեմ, ապա տարածաշրջանում նրա ռազմակայաններն ու շահերը կենթարկվեն անդադար և ցավոտ հարձակումների։
Ըստ Pars Today-ի՝ շտաբը հայտարարել է, որ ԱՄՆ-ն, ձգտելով քողարկել իր ձախողումները և ստեղծելով արհեստական հաջողություններ, տարածաշրջանային որոշ պետությունների հետ համագործակցությամբ դիտարկում է Իրանի դեմ ուղղված նոր քայլեր։
«Խաթամ ալ-Անբիա» շտաբը նաև նախազգուշացրել է, որ եթե տարածաշրջանի երկրները միանան Իրանի դեմ ԱՄՆ-ի ագրեսիային, ապա կդիտարկվեն որպես նման գործողությունների մասնակիցներ և չպետք է ակնկալեն զսպվածություն Իրանի զինված ուժերի կողմից։
«Խաթամ ալ-Անբիա» կենտրոնական շտաբը պատասխանատու է ԻԻՀ ԶՈւ-ի օպերատիվ պլանավորման, համակարգման և վերահսկողության համար։