Թեհրանում Մեծ Բրիտանիայի դեսպանատան գործերի ժամանակավոր հավատարմատարը կանչվել է ԱԳՆ
Ի պատասխան Լոնդոնի ապակառուցողական ու միջամոտղական գործողությունների, Թեհրանում Մեծ Բրիտանիայի դեսպանատան գործերի ժամանակավոր հավատարմատար Էլիզաբեթ Մարշը հրավիրվել է ԱԳՆ, որետղ հանդիպել է Արևմտյան Եվրոպայի գրասենյակի գլխավոր տնօրեն Մաջիդ Նիլի Ահմադաբադիի հետ:
Մաջիդ Նիլի Ահմադաբադին դատապարտելով բրիտանական իշխանությունների հակաիրանական հայտարարություններն ու դիրքորոշումները, նշել է, որ դրանք միջամտություն են ԻԻՀ ներքին գործերին, իսկ Թեհրանի դեմ այդ երկրի սահմանած վերջին պատժամիջոցներն անօրինական են:
Նա նշել է. «Իրանցիները չեն մոռացել Մեծ Բրիտանիայում գործող ընդդիմադիր լրատվամիջոցների դերը Իրանում տեղի ունեցած անկարգությունները հրահրելու հարցում: Եվ զարմանալի է, որ Մեծ Բրիտանիան այդ կապակցությամբ պատասխանատու լինելու փոխարեն, շարունակում է մեղադրանքներ հնչեցնել Իրանի դեմ»:
Ահմադաբադին հավելել է. «Բրիտանիայի իշխանություններին խորհուրդ ենք տալիս, հաշվի առնել անցյալի փորձը և խուսափել Սիոնիստական ռեժիմի և ահաբեկչական խմբավորումների թակարդներն ընկնելուց: Բրիտանիայի ապակառուցողական մոտեցման շարունակումն անընդունելի է, և այն միանշանակ կարժանանա Իրանի համաչափ և արդյունավետ հակաքայլերին»։
Մեծ Բրիտանիայի դեսպանատան գործերի ժամանակավոր հավատարմատարը նշել է, որ իրավիճակի ամսին տեղյակ կպահի իր երկրի պատկան իշխանություններին:
