Իրանը և Պակիստանը 4 փաստաթուղթ են ստորագրել առեւտրատնտեսական համագործակցության մասին
Իրանի Իսլամական Հանրապետությունը և Պակիստանը 4 փաստաթուղթ են ստորագրել առեւտրատնտեսական համագործակցության մասին:Այս մասին հաղորդում է ՄԵՀՐ լրատվական գործակալությունը:
Իրանի և Պակիստանի միջև առևտրատնտեսական համագործակցության մասին չորս փաստաթուղթը ստորագրվել է երկու երկրների ԱԳ նախարարների և քաղաքական ու տնտեսական ոլորտի պաշտոնյաների ներկայությամբ:
Այս փաստաթղթերը ներառում են երրորդ համատեղ ներդրումային կոմիտեի և երրորդ համատեղ բանկային կոմիտեի ամփոփագիրը, առևտրի ռազմավարական պլանի 5 տարով երկարաձգումը և երկու երկրների միջև տնտեսական համագործակցության հուշագիրը։
Իրանի տնտեսական պատվիրակությունը վերջին երկու օրերին ժամանել է Պակիստան և անցկացրել տնտեսական խորհրդակցություններ։
Այսօր առավոտյան Իրանի արտգործնախարարին դիմավորել է իր պակիստանցի գործընկերը, և մինչ երկկողմ բանակցությունների մեկնարկը, նրանք բարեկամության ծառ են տնկել Պակիստանի ԱԳՆ բակում։
Իրանի արտաքին գործերի նախարար Հոսեյն Ամիր Աբդոլլահյանը երեկ (չորեքշաբթի) երեկոյան Թեհրանից մեկնել է Իսլամաբադ՝ Պակիստանի բարձրաստիճան պաշտոնյաների հետ հանդիպելու և խորհրդակցելու նպատակով։
