Իմպերիալիստների դեմ պայքարելու և նրանց դիմակայելու ճանապարհը շարունակվում է.ԻՀՊԿ-ի գլխավոր հրամանատար
Իսլամական հեղափոխության պահապանների կորպուսի գլխավոր հրամանատարն ասել է. «Իսլամի ու Իրանի թշնամիների և իմպերիալիստների դեմ պայքարի և նրանց դիմակայելու ուղին անդադար շարունակվում է։ Այս մասին ահղորդում է ՖԱՐՍ լրատվական գործակալությունը:
Իսլամական հեղափոխության պահապանների կորպուսի գլխավոր հրամանատար գեներալ-մայոր Հոսեյն Սալամին կիրակի օրը Իրանի հյուսիսարևմտյան Արդաբիլ նահանգի 3400 նահատակների հիշատակին նվիրված համագումարում, հարգելով Իսլամական հեղափոխության, Սրբազան պաշտպանության, սրբավայրերը պաշտպանող և այս նահանգի բոլոր նահատակների հիշատակը, ասել է,-«Թշնամիները պետք է իմանան, որ իսլամի մարտիկները տարբեր ճակատներում առավել քան երբևէ նրանց դաժան պարտության են մատնելու»:
Իսլամական հեղափոխության պահապանների կորպուսի գլխավոր հրամանատարն ասել է. -«Դիմադրությունն Իրանի և իսլամի թշնամիներին պարտության է մատնել, և նրանք մեծ անկում են ապրում»։
Նշելով, որ թշնամիներն իրենց ողջ պաշարները, էներգիան և տեխնիկան ասպարեզ են հանել Իրանի Իսլամական Հանրապետությանը դիմակայելու համար, գեներալ Սալամին նշել է.-«Իրանի ժողովուրդը դասեր է քաղել Իսլամի սկզբնական շրջանից ի վեր տեղի ունեցած դեպքերից և Հոսեյնական Աշուրայից, ուստի երբեք թույլ չի տա, որ պատմությունը կրկնվի»։
Իսլամական հեղափոխության պահապանների կորպուսի գլխավոր հրամանատարը հավելել է.«Իրանի ժողովուրդն ապացուցել է, որ ոչ մի կետում կանգ չի առնելու թշնամիների առաջ և ինչպես անցյալում, կլինի մեծ գագաթների նվաճողը»։