Վաղը մեկնարկելու են Իրանի բանակի էլեկտրոնային պատերազմի համատեղ զորավարժությունները
Իրանի Իսլամական Հանրապետության բանակի քառյակ ուժերի մասնակցությամբ վաղվանից (օգոստոսի 25-ին) երկրի կենտրոնական ընդարձակ տարածքում կանցկացվեն «Վելայաթի պահապանների վահան-1402»(«Separe Hafezane Velayat -1402») էլեկտրոնային պատերազմի համատեղ զորավարժությունները։
Parstoday-ի հայերեն բաժնի հաղորդման համաձայն՝ Իրանի Իսլամական Հանրապետության բանակի համակարգողի տեղակալ, ծովակալ Հաբիբոլլաh Սայյարին հայտնելով «Վելայաթի պահապանների վահան-1402»» էլեկտրոնային պատերազմի համատեղ զորավարժությունների անցկացման մասին, ասել է,-«Հաշվի առնելով այսօրվա մարտերում էլեկտրոնային պատերազմի կարևորությունը և այն ազդեցիկ դերը ,որ ունենալու է հետագա պատերազմներում, անցած տարիներին ԻԻՀ բանակի օրակարգում են ներառվել էլեկտրոնային պատերազմի տեխնոլոգիաներին հատուկ ուշադրություն դարձնելը և այս ոլորտում հանձնառու և մասնագիտացված մարդկային ռեսուրսներ կրթելն ու պատրաստելը»:
Իրանի Իսլամական Հանրապետության բանակի համակարգողի տեղակալը բարձր գնահատելով Իրանի պաշտպանության և զինված ուժերի աջակցության նախարարությանը և քառյակ ուժերում իրանական բանակի ինքնաբավ կազմակերպություններին էլեկտրոնային պատերազմի սարքավորումների նախագծման և արտադրության ոլորտում ծավալած գործունեության համար, նշել է,-«Մասնագիտացված հմտությունների բարձրացումը և երիտասարդ ուժերին փորձի փոխանցումը և այս ոլորտում մարտական տարբեր սցենարների կիրառումը, այս զորավարժության նպատակներից են»:
Ծովակալ Սայյարին հստակեցրել է,-«ԻԻՀ բանակի «Վելայաթի պահապանների վահան-1402»» էլեկտրոնային պատերազմի համատեղ զորավարժությունները ցամաքային, պաշտպանական, օդային և ծովային ուժերի մասնակցությամբ վաղվանից կանցկացվեն տարբեր տեսակի էլեկտրոնային պատերազմի, ռադարային, ԱԹՍ-ների , կիբերային, տիեզերական և էլեկտրոնային պատերազմին առնչվող ֆիքսված, շարժական, ցամաքային և օդային համակարգերով: