Իրանը դեմ է Հայաստանի Հանրապետության սահմանների ցանկացած փոփոխության
Հայաստանում Իրանի Իսլամական Հանրապետության դեսպանն ասել է, որ Թեհրանն աջակցում է Հայաստանի ինքնիշխանությանն ու տարածքային ամբողջականությանը և դեմ է սահմանների ցանկացած փոփոխության։
Իրանը և Հայաստանը բազմաթիվ ընդհանրություններ ունեն երկու երկրների միջև հնամենի հարաբերությունների շնորհիվ: Չնայած տարածաշրջանային լարվածության պատճառով առաջացած որոշ խնդիրների առկայությանը, այս դրական նախապատմությունը արդյունավետ է եղել երկու երկրների հարաբերությունների տարբեր հարթություններում:
Այդ իսկ պատճառով, Իրանի հարևան երկրների շարքում Հայաստանը բարենպաստ դիրք է զբաղեցնում Իրանի հետ տնտեսական և առևտրային հարաբերություններում։
Երևանում կայացած տնտեսական ցուցահանդեսի ժամանակ հայաստանյան լրատվամիջոցի հետ ունեցած զրույցում Երևանում Իրանի Իսլամական Հանրապետության դեսպան Մեհդի Սոբհանին հայտարարել է, որ Իրանը դեմ է սահմանների ցանկացած փոփոխության, և հաղորդակցային բոլոր ուղիները պետք է գտնվեն այն երկրների վերահսկողության տակ, որոնց տարածքում նրանք գտնվում են։
«Զանգեզուրի» կարևոր երթուղու և այն բացելու համար Ադրբեջանի կողմից ուժի հնարավոր կիրառման կապակցությամբ Սոբհանին ընդգծել է, որ Իրանը աջակցում է հաղորդակցային ուղիների բացմանը, սակայն այն պետք է լինի Հայաստանի կառավարության վերահսկողության ներքո։ Ուժով ոչինչ չի փոխվելու:
Հայաստանը բազմիցս ընդգծել է, որ տարածաշրջանային տրանսպորտային ուղիները բացելու Ադրբեջանի նախագահի ջանքերը կապ չունեն մինչ օրս այս առնչությամբ բանակցությունների և ստորագրված հայտարարությունների հետ և անընդունելի են Հայաստանի համար։