Իրանի ԱԳ նախարարը հանդիպել է Լիբանանում բնակվող իրանցիների հետ

Իրանի արտաքին գործերի նախարարը Բեյրութում ԻԻՀ դեսպանատանը հանդիպել է Լիբանանում բնակվող մի խումբ իրանցիների հետ։

ԻՌՆԱ-ի հաղորդմամբ՝Հոսեյն Ամիր Աբդոլլայանն ուրբաթ օրը հանդիպել է մի խումբ իրանցի դիվանագետների, դեսպանատան աշխատակիցների, պաշտոնյաների և իրանական որոշ կառույցների անդամների, ինչպես նաև Լիբանանում բնակվող մի խումբ իրանցիների հետ:

Հանդիպման մասնակիցները ներկայացրել են իրենց խնդիրները և այս երկրում իրենց գործունեության ոլորտները, նաև անդրադարձել երկու երկրների միջև տնտեսական և առևտրային ու մշակութային հարաբերություններին:

ԻԻՀ ԱԳ նախարարը ներկաներին շնորհակալություն է հայտնել հանդիպման կապակցությամբ և ընդգծել իրանցիների ազգային ինքնության պահպանման կարևորությունը աշխարհի բոլոր անկյուններում: