Իրանի բանակի ռազմաօդային ուժերը ԱԹՍ են արտադրել
Իրանի Իսլամական Հանրապետության ռազմաօդային ուժերի հրամանատարը հայտարարեց այս ուժերում անօդաչու թռչող սարքերի կառուցման մասին և ասաց.«Շուտով կներկայացվի ռազմաօդային ուժերի նորագույն անօդաչու թռչող սարքը»։
Իրանի Իսլամական Հանրապետության ռազմաօդային ուժերի հրամանատար, բրիգադային գեներալ օդաչու Համիդ Վահեդին երեկ երկուշաբթի օրը՝ Համեդան քաղաքում նահատակ օդաչու Մոհամմադ Նոժեհի և ռազմաօդային ուժերի նահատակների հիշատակին նվիրված միջոցառման շրջանակում, ԻՌՆԱ-ին տված հարցազրույցում ասել է.«ԻԻՀ բանակի ռազմաօդային ուժերը ԱԹՍ են արտադրել և շուտով կներկայացվի ռազմաօդային ուժերի նորագույն անօդաչու թռչող սարքը»:
Իրանի ռազմաօդային ուժերի հրամանատարն ասել է.«Իրանի Իսլամական Հանրապետության ռազմաօդային ուժերը, իրանցի երիտասարդների կարողությունների և ջանքերի շնորհիվ համալրվել են տարբեր ոլորտներում նորագույն օդային տեխնիկայով»։
Իրանի Իսլամական Հանրապետության պաշտպանական արդյունաբերությունը Իսլամական հեղափոխության հաղթանակից հետո, զինված ուժերի հետ սերտ համագործակցությամբ տարբեր ձեռքբերումներ է ունեցել ցամաքային, ծովային, օդային, տիեզերական և հրթիռային տարբեր ոլորտներում: